A sensación de dor afecta ao movemento. Debido a unha lesión ou mesmo a unha alteración do control motor, o noso cerebro decide iniciar procesos de protección para que a estrutura non empeore. Reducións do rango de movemento, déficits de forza, medo, inseguridade, ansiedade ou un incremento da sensación de dor poden ser algúns dos mecanismos utilizados para protexerse.

Mediante o uso da biomecánica, a incorporación da neurociencia e dos últimos avances no adestramento de forza aplicados á recuperación, conseguiremos a volta á normalidade do sistema neuromuscular reflectido na volta ao movemento deportivo.

Planificar o adestramento e levar unha secuenciación ordenada tendo en conta as interferencias dos diferentes contidos a adestrar, servirán tanto para cumprir os teus obxectivos, como para reducir os índices de lesión.

Planificación

Entendendo as demandas concretas que esixe a competición, nace este servizo exclusivo para deportistas e clubs tanto para actividades de equipo como individuais.